دھابیجی میں پائپ لائن پھٹ گئی، کراچی میں پانی کی قلت کا خدشہ
دھابیجی پمپنگ اسٹیشن پر بجلی کے بریک ڈاؤن سے پائپ لائن پھٹ گئی، جس کی وجہ سے کراچی کے مختلف علاقوں میں پانی کی قلت کا خدشہ پیدا ہو گیا۔
متعلقہ حکام کے مطابق 72 انچ قطر کی پائپ لائن نمبر 5 بیک پریشر کے باعث پھٹی۔
متعلقہ حکام کا کہنا ہے کہ اس پائپ لائن سے کراچی کو پانی فراہم کیا جاتا ہے۔
Also Read
متعلقہ حکام نے یہ بھی بتایا ہے کہ پائپ لائن پھٹنے سے پمپنگ اسٹیشن کے 19 پمپ بند ہو گئے ہیں۔
دھابیجی پمپنگ اسٹیشن کی بجلی تاحال بحال نہ ہو سکی
واٹر کارپوریشن کے ترجمان کا کہنا ہے کہ دھابیجی پمپنگ اسٹیشن پر صبح 6 بجے سے بجلی کی فراہمی بند ہے، پمپنگ اسٹیشن کی بجلی تاحال بحال نہیں ہو سکی ہے۔
ترجمان نے بتایا کہ بریک ڈاؤن کے باعث دھابیجی پمپنگ اسٹیشن کے تمام فیڈرز کی بجلی بند ہے، اس کے باعث بیک پریشر کی وجہ سے لائن نمبر 5 ایک بار پھر متاثر ہو گئی۔
واضح رہے کہ 2 روز قبل بھی بجلی کے بریک ڈاؤن سے پمپنگ اسٹیشن کی 2 پائپ لائنیں پھٹ گئی تھیں۔