کراچی میں زلزلے کے جھٹکے، گڑگڑاہٹ بھی سنائی دی

کراچی کے مختلف علاقوں میں زلزلے کے جھٹکے محسوس کیے گئے۔

کراچی کے علاقے ملیر، شاہ لطیف ٹاؤن، نیشنل ہائی وے اور بھینس کالونی میں زلزلے کے جھٹکے محسوس کیے گئے۔

قائد آباد اور گلشن حدید میں بھی زلزلے کے جھٹکےمحسوس کیے گئے۔

زلزلہ پیما مرکز کے مطابق زلزلے کی شدت 3.1 ریکارڈ کی گئی، زلزلہ کی گہرائی 15 کلومیٹر تھی اور زلزلے کا مرکز قائد آبادکے قریب تھا۔

ان علاقوں میں زلزلے کے جھٹکوں کے ساتھ گڑگڑاہٹ بھی سنائی دی۔ زلزلے کے دوران لوگ کلمہ طیبہ کا ورد کرتے ہوئے گھروں سے باہر نکل آئے۔