around.pk
Saturday, 21 November 2026
☀ کراچی 21°☀ لاہور 15°☀ اسلام آباد 13°
دنیا

امریکی ایوانِ نمائندگان میں ڈیموکریٹس کا اسپیکر نامزدگی: حکیم جیفریز پہلے سیاہ فام اسپیکر بننے کے قریب

ڈیموکریٹک پارٹی نے حکیم جیفریز کو ایوانِ نمائندگان کے اسپیکر کے لیے نامزد کر دیا، جس سے امریکی تاریخ میں پہلی بار ایک سیاہ فام اسپیکر کا امکان پیدا ہو گیا ہے۔

around.pk·18 Nov 2026

واشنگٹن: امریکہ میں اپوزیشن جماعت ڈیموکریٹک پارٹی نے حکیم جیفریز کو ایوانِ نمائندگان کے آئندہ اسپیکر کے لیے باضابطہ طور پر نامزد کر دیا ہے، جس کے بعد ان کے امریکی تاریخ کے پہلے سیاہ فام اسپیکر بننے کا راستہ ہموار ہو گیا ہے۔ پارٹی ارکان کی جانب سے منعقدہ خفیہ رائے شماری میں 251 ارکان نے ان کے حق میں ووٹ دیا جبکہ 11 نے مخالفت کی۔

حکیم جیفریز کو اپنی ہی جماعت کے بائیں بازو سے تعلق رکھنے والے بعض ارکان کی مخالفت کا سامنا تھا، تاہم انہوں نے اختلافات کم کرنے کے لیے مختلف دھڑوں کے ارکان سے ملاقاتیں بھی کیں۔ ڈیموکریٹک پارٹی کے سات نومنتخب ارکان نے مشترکہ بیان میں کہا کہ انہوں نے جیفریز کے خلاف ووٹ اس لیے دیا کیونکہ وہ تمام شہریوں کے لیے طبی سہولتوں کی فراہمی اور غزہ میں جنگ کے خاتمے سمیت اہم معاملات پر ان سے واضح یقین دہانیاں چاہتے ہیں۔

واضح رہے کہ حکیم جیفریز نے حال ہی میں صحت کی سہولتوں کے دائرے کو وسیع کرنے کی حمایت کرتے ہوئے بزرگوں کے لیے مخصوص سرکاری طبی پروگرام میں مزید افراد کی شمولیت اور بچوں کے لیے جامع طبی سہولتوں کی تجویز کی حمایت کی تھی۔

اب حکیم جیفریز کو اسپیکر منتخب ہونے کے لیے 3 جنوری کو ایوان کے تمام ارکان کی رائے شماری کا سامنا کرنا ہو گا۔ ایوان میں ڈیموکریٹس کی اکثریت کے باعث ان کی کامیابی متوقع ہے۔

اب تک کی کہانی حکیم جیفریز

  1. امریکی وزیر دفاع پیٹ ہیگسیتھ کے خلاف مواخذے کی قرارداد کانگریس میں پیش، بدھ کو ووٹنگ متوقع
پوری ٹائم لائن دیکھیں →
امریکاغزہڈیموکریٹسحکیم جیفریزایوان نمائندگاناسپیکر ایوانِ نمائندگان

اسی موضوع پر مزید

سب دیکھیں →

مزید پڑھیں