around.pk
Saturday, 21 November 2026
☀ کراچی 22°☀ لاہور 16°☀ اسلام آباد 13°
پاکستان

نوشہرہ: غیر قانونی گولڈ مائننگ کیلئے ڈیزل لے جانے والی 13 گاڑیاں پکڑی گئیں

ضلعی پولیس نے نوشہرہ میں غیر قانونی گولڈ مائننگ کیلئے ڈیزل لے جانے والی 13 گاڑیاں پکڑ کر ڈرائیوروں اور مالکان کے خلاف مقدمات درج کر لیے۔

around.pk·8 Nov 2026

نوشہرہ میں غیر قانونی گولڈ مائننگ کے خلاف کارروائی کرتے ہوئے پولیس نے ڈیزل لے جانے والی 13 گاڑیاں پکڑ لی ہیں۔ یہ کارروائی سرپل چیک پوسٹ پر ایس ڈی پی او اکوڑہ خٹک سرکل گلشید خان کی نگرانی میں انچارج چوکی خیر آباد اے ایس آئی مختیار خان نے محکمہ معدنیات کی ٹیم کے ہمراہ کی۔

پولیس کے مطابق تمام گاڑیوں اور ڈیزل کو قبضے میں لے کر ملزمان کو حوالات منتقل کر دیا گیا ہے جبکہ مالکان اور ڈرائیورز کے خلاف منرل ایکٹ 2017 کے تحت تھانہ اکوڑہ میں مقدمات درج کر لیے گئے ہیں۔

ادھر ضلعی پولیس نے مشینری مالکان کو تین روز کی مہلت دیتے ہوئے ہدایت کی ہے کہ وہ رضاکارانہ طور پر اپنی مشینری ہٹا لیں بصورت دیگر قانونی کارروائی کی جائے گی۔

واضح رہے کہ غیر قانونی گولڈ مائننگ سے نہ صرف قدرتی وسائل کا نقصان ہوتا ہے بلکہ ماحولیاتی اور سماجی مسائل بھی جنم لیتے ہیں۔ حکام کا کہنا ہے کہ اس قسم کی غیر قانونی سرگرمیوں کے خلاف کارروائیاں جاری رہیں گی۔

پیٹرول کی قیمتیںنوشہرہاکوڑہ خٹکگلشید خانمنرل ایکٹ 2017محکمہ معدنیاتمختیار خان

اسی موضوع پر مزید

سب دیکھیں →

مزید پڑھیں