امتیاز اسلم کے اہل خانہ کا کالعدم کمیٹی سے لاتعلقی کا اعلان
فسادی جتھے کے سرغنہ امتیاز اسلم کے بھائی عابد اسلم نے کہا ہے کہ اہل خانہ کا امتیاز اسلم کے کسی بھی قول و فعل سے کوئی تعلق نہیں، اور انہوں نے کالعدم کمیٹی سے لاتعلقی اختیار کر لی ہے۔
یہ خبر اور ہر اہم خبر سب سے پہلے واٹس ایپ پر پائیںaround.pk اردو خبریں چینل — مفت، بغیر سپیم فالو کریں
لاہور: فسادی جتھے کے سرغنہ امتیاز اسلم کے بھائی عابد اسلم نے اپنے اہل خانہ کی جانب سے کالعدم کمیٹی سے لاتعلقی کا اعلان کرتے ہوئے واضح کیا ہے کہ ان کا امتیاز اسلم کے کسی بھی قول و فعل سے کوئی تعلق نہیں۔ یہ اعلان ایسے وقت سامنے آیا ہے جب عوامی سطح پر بھی اس ٹولے کی انتشار کی سیاست کو مسترد کیا جا رہا ہے۔
عابد اسلم نے بتایا کہ اہل خانہ نے امتیاز اسلم کو متعدد بار سمجھانے کی کوشش کی، تاہم وہ اپنی ہٹ دھرمی اور منفی روش پر قائم رہا۔ ان کے مطابق خاندان کے افراد نے شروع سے ہی اس روش کی مخالفت کی اور ان کے ذاتی فیصلوں اور اقدامات سے خود کو الگ رکھا۔
انہوں نے مزید کہا کہ ان کے والد پاک فوج میں خدمات انجام دے چکے ہیں جبکہ ان کا چھوٹا بھائی بھی پاک فوج میں ملازمت کرتا ہے، اس لیے خاندان کا ریاستی اداروں اور قانون کے ساتھ مکمل تعاون جاری رہے گا۔ ان کا کہنا تھا کہ خاندان کے دیگر افراد کے امتیاز اسلم کے اقدامات سے کوئی تعلق نہیں۔
مبصرین کے مطابق عوامی سطح پر مسترد ہونے کے بعد اہل خانہ کی جانب سے بھی لاتعلقی کے اعلان سے اس ٹولے کی تنہائی مزید واضح ہو گئی ہے۔ یہ صورتحال ظاہر کرتی ہے کہ انتشار اور غیر قانونی سرگرمیوں کی حمایت کرنے والوں کو معاشرے میں کوئی جگہ نہیں مل رہی۔
واضح رہے کہ حکومت نے انتشار پھیلانے والے عناصر کے خلاف قانونی کارروائی کا سلسلہ جاری رکھا ہوا ہے، اور متعلقہ ادارے عوام کے جان و مال کے تحفظ کو یقینی بنانے کے لیے اقدامات کر رہے ہیں۔ اہل خانہ کی لاتعلقی کے اعلان کو اس سلسلے میں ایک اہم پیش رفت قرار دیا جا رہا ہے۔
اب تک کی کہانی بنوں
- بنوں میں اغوا ہونے والے نوجوان کی 13 روز بعد لاش برآمد، اہل خانہ کا انصاف کا مطالبہ
- بنوں میں پولیس چوکی پر دہشت گردانہ حملہ ناکام، چار حملہ آور ہلاک
- بنوں میں پولیس چوکی پر حملہ ناکام، چار حملہ آور ہلاک
- خیبرپختونخوا میں گورنر راج کے بعد بنوں میں عوامی مسائل حل ہونے کا دعویٰ










